Browse the Collection
Arane kudarujue ülünetiiani
atane kusumara
kaa daruete janujuine atane kusumara kaje, nülünü jiünuekaa, nüjüae charaekaain. Niei kulutenuinie raijiainte jichuajijiain sumaue
mürae
atane kusumara|kadane lanaji
kaa mürae te atane kusumara kaje jaüre kadane lanaji ke kuluteein, fachuru ke rüjüain, ararakaeria rei küani tujueekiin, melaaekiin.
Kadane sumajike rüjüanujui ujauichü
atane kusumara
kaa ujuaichü te jarautiin ararakeri, nüjüae charaekaain. Rei kulu te sumaeke, kadane lanaji ke ürerianuiinein
darue ülünuui
atane kusumara
kaa darue te atane kusumara kaje janujuine, kulutelanaana, raüjiain süraa kaün jichüjichueriin kauatiin tükütuane jaaün, nüjüae meruakaain, süri tijiichaain, ichüünejeein nülünu laüekaain.
Darue kanaani nekauunjuanaja
atane kusumara|kadane aina
kaa darue te atane kusumara kaje janujuine, kauachaain tüküeniane jaaünte jichujue, nüjüae meruakaain, süri tijiichaain, ichüünejeein nülünu laüekaain, jabeekiin.
Kadene ke kulanujui ujuaichü, jeü.
atane kusumara
kaa ujuaichü te kauatiin janujuine, jujururutii, jarauti küanikiin, üküatiin küanekiin, kadane lanaji ke kulanujuineein jana rei küani te jichuajiaujuain sumaekueri kauatiin netüüjiane jaün.
Kuaairi kumüraje
atane kusumara
kaa müraete tujuekiin nujuu tütüeka, üküajeriti küanekiin, sumaeki kuluin, kadane lanajike ürerianuinein.
atene kudarujue jaree janaanaje
atane kusumara
kaa darue te atane kusumara kaje janujuine, kulutelanaana, raüjiain süraa kaün jichu jichueriin kauatiin tükütuane jaaün, nüjüae meruakaain, süri tijiichaain, ichüünejeein nülünu laüekaain.
Nafakürü
atane kusumara
kaa nafakürü te atane kusumara kaje jaaüre, tasiujuaa, jujururuetiin, jarauti küanekiin, nüjüae kulane, kulu kulane, süraa kaün jichu jichueriin.
ujuaichü reraeku chalünaanaja
atane kusumara
kaa ujuaichü te tasiujuae üküati küanekiin, fufururutiin, sumaajiujuai kuluin, süraa kaün jichujichueriin.
baichaje
atane kusumara
kaa baichaje te süri tijiichae, nüjüae meruekae, küani jichuekaain, kadane lanaji ke ürerianuinein.
müraae barüe kunaanaja
atane kusumara|kadane
kaa mürae te barüe kunaanajane, jujururueritua, üküajeriti küanikiin, jichueki küanekiin, fachuru sumaji ke kulanujuinein, kadane lanaji ke ürerianuinein.
atane kuujuachü arajiin lenunenanaja
atane kusumara
kaa atane kujuachü te tasiujuae arajii cha aina lenunena naja neein, jarautua rei küani jujuariin, melaariin, kadane laniji ke rüjüanujuinein.
müraae akaü kunaanaja
atane kusumara
kaa mürae te nujuu tütüekae, üküajeriti küanekiin, kadane lanaji ke ürerianuinein.
enekürü lenune kürü ujuaichü
atane kusumara
kaa ujuaichü te kauatiin janujuine, jujururutiin, jarauti küanekiin, üküati küanekiin, kadane lanaji ke kulanujuineein jana rei küani te jichuajiaujuain sumaekueri kauatiin netüüjiane jaün.
lenune chalünaanaja atane kumüraje
atane kusumara
kaa ujuaichüte lenune chalünaanaja ne, nujuu tütüekaa, sumaeki kuluuin, kadane lanaji ke ürerianuinein.
jichü kaje ürüuura
jichü
kaa jichü kuruuru te jaüre jichü kaje, süri tijiichaa, nüjüae tütüekaa, kujuiijiein. Enekürü rüküele kürü neinte nelate
elele kukuamela tafa
elele ekune
kaa elele kukuamela te jaüre elele ekune kaje, jerekürüane tabainejein, inuri ke sitüüsiin tukukuin, aranaji ke müküerateein jaaüre
elele kukuamela jaberuku
elele ekune
kaa elele kukuamela te jaüre elele ekune kaje, jerekürüane tabinejein, inuri ke sitüüsiin tukukuin, aranaji ke müküerateein
ela kubiinaau
ela|aari kufei
kaa binau te ala kaje jaüre, inuri ke tukukuin, aari kufeei ke süri lenuneteein.
jaüna kujuade
jaüna|mürane|inuri|eraürü
kaa jade te janujuine jaüna kaje, müürane ke füin, küani batui siriin, akueri ekune kaje büülüneteein, ela rijiei ke kujuiten, ke eraürü laujuiri jachüin tiritain ichuaküre iche kürü neke, ke te tijie kutinaja neke tijie bükü tijiichain, chaaen batui jerünaanaje tijiichae
chanuna kujuade
chanuna|mürane|inuri|eraürü|ebükü
kaa jade te janujuine chanuna kaje, müürane ke füin, küani batui siriin, akueri ekune kaje büülüneteein, ela rijiei ke kujuiten, ke eraürü laujuiri jachüin tiritain ichuaküre iche kürü neke, ke te tijie kutinaja neke tijie bükü tijiichain, chaaen batui jerünaanaje tijiichae.
aari kaje bute kuüjünaka
aari
kaa bute kuüjünaka te aari kaje jaüre, bajeein, kulueriteein, jeraneein rei naüa büjüateein,inuri ke kujuiteein, kürabu ke ichujuain kujuiteein
isichana kuinaru chüjüjüain janujui
isichana ekune
kaa isichana kuinaru te chüjüjüain küain janujuine, isichana ekune kaje, jabeekua, inurike te rülünujuine rei kuütüri, enutu faana jakuranuiniaa jaünte lanaekueri
Büüe kuinaru baijiain küaiin janujui
büüe ekune
El abanico de mano tiene una hoja tejida redonda. Los extremos sueltos de las fibras se juntan en un mango atado con hilo verde oscuro. Finales de 1800-1996; 34 x 24,5 x 2 cm; 13 3/8 x 9 5/8 x 3/4 pulgadas
isichana kuinaru baijiei
isichana ekune
kaa isichana kuinaru te baikain küain janujuine, isichana ekune kaje, jabeekua, inuri ke te rülünujuine rei kuütüri, inae karajaa nenaa nia jaün te biinaanete
risine kuinaru
risine kuinaru
kaa risine kuinaru te baikain küain janujui, risine ekune kaje, jabeekua, inurike te rülünujuine rei kuütüri, sumaekua rei kulu
eeü
ünae kalaui alu feru kari|inuri
kaa eü te janujuine ünaae kalaui alu feru kari kaje, enue ke aüa teein, inuri ke ichujuani. Akate nelate, barüane aauraneein
eeü baijei
eeü baijei
kaa eü te baijiai janujuine ünaae kalaui alu feru kari kaje, enue ke aüa teein, inuri ke ichujuani. Akate nelate, barüane aauraneein
risine kaje ela tinujui
risine|aune
kaa ela te tinujuinein küain janujuine, risine kaje, nichata kulujuen teein, lanaji, sumaji chaaen jichujui naujuai ke, etake jelakain te tukuunujuine
ela le jerajei
alasine|aune
kaa ela te jaiti le jerajeein janujuine, risine kaje, nichate kulujuen teein, lanaji, sumaji chaaen jichujui naujuain
risine bela le jerajei
risine ekune
kaa ela te jaiti le jerajeein janujuine, alasine kaje, nichate kulujuen teein, lanaji, sumaji chaaen jichujui naujuain
sie bela
sie
kaa sie bela te janujuine, sie, risine naujui kaje, nichata kulujuen teein, lanaji, sumaji chaaen jichujui naujuain, etake jelakain te tukuunujuine
Ameku
alasine|risine
kaa ameku te janujuine risine kaje, jerekürüane kaanejein, ke rautujuen nichujuain rane jaürüane kuina
kushara aküenu kuütüri
akii enüa
kaa kushara aküenu kuütüri te janujuine akii enüa kaje, aküenu kuütüri rijicha, mükünaanaja siria, reraeku suin ranaaja jelai siria.
kushara aküenu kuütüri
akii enüa
kaa kushara aküenu kuütüri te janujuine akii enüa kaje, aküenu kuütüri rijicha, mükünaanaja siria, reraeku suin ranaaja jelai siria
kushara asisi uütüri
akii enüa
kaa kushara asisi kuütüri te janujuine akii enüa kaje, asisi kuütüri rijiicha, mükünaanaja siria, reraeku suin ranaaja jelai siria.
akii enüa kukushara
akii enüa
kaa kushara te janujuine akii enüa kaje, mükünaanaja siria, reraeku suin ranaaja jelai siria, inae biinaanetua jaünte jichujue
anuria kujuekuru
anuria
kaa jekuru te janujuine anuria kaje, mükünaanaja siria karatiin, jaree janaaja neinte nelate jabeekua re kuütüri, jaree suin ranaaja jelai siria
naabaja kujuekuru
naabaja
kaa jekuru te janujuine naabaja kaje, mükünaanaja siria sharuturaeriin, laanu tütüin barüe janaaja neinte nelate, jabeekua rei kuütüri jarauti küanekiin, melaekiin
ubale lakünaanaja jekuru
akii enüa
kaa jekuru te janujuine akii enüa kaje, mükünaanaja siria karatiin, reraeku lakünaaja neinte nelate, tuchaekua rei kuütüri, melaeki künekiin
barüe tütünaanaja jekuru
akii enüa
kaa jekuru te janujuine naabaja kaje, mükünaanaja siria karatiin, laanu tütüin barüe janaaja neinte nelate, tuchaekueria rei kuütüri jarauti küanekiin, melaekiin
aünu makaaki, chufana
arariin
kaa aunu makaaki te lechuunka nichatajain arariin muluusiin ke janujuine, arai laüriin tunii, tasiujuain kaje kuaüneein anchijii ke tiain, arariin tatüriin te küani chüjüüsiin inuri ke ichujuain janujuine.
turuunfu
jiaane nüjüa
jiaane nüjüa kaje te janujuine kaa turuunju, jabeekain retütüinte jaüre, inuri nebalürüka naja nekete kuütüriteein jaüre, makuike kürabu enauain rautujein nejunua kuina. Kanaaniürü nekuatijianaja nekete nelated ke inuri balüünejein jenunuin
bajari turuunfu
rana rüiinaa
kaa bajari turuuju te janujuine rana rüiina kaje, jeranein eta jeluun jachüin kuani enüa chüjütaain mürane ke müküeratein, rei katai jeluun te jachü siri ratujein tuniane kuina. kanaanaiürü nekuatijianaja nekete jaüre, ke inuri balüünejein jenunuin.
üsiüru
karuia
kaa üsiüru te jaüre karuia kaje, jerekürüne kanejein, kauatiin retütüin bijiin mükünaaja jelai jaain, aichijiin laüekaain rei kuütüri jaain. Chaaili nujuei tütürüa enekürü naja neeite nelate
ene kijia
anuia
kaa kijiate jabeekueriin, tuchaekueri, kauatiin retütüin bijinujuinei mükünaanaja sirin, kuütüriteein janujuinei. anuia kaje te jaaüre.
kijia seunjua
anuia
kaa kijiate jabeekueriin, tuchaekueri, kauatiin retütüin bijinujuinei mükünaanaja sirin, kuütüriteein janujuinei. anuia kaje te jaaüre
utiia
karuia
kaa utia te jaüre karuia kaje, jerekürüne kanejein, kauatiin bijiin mükünaaja jelai jaain, rei kuütüri jaain teütijiakuain. Kuairi kuurera nünara neeite nelate
inüinüri kuare
inu inuri
kaa richa te jaüre inü inüri kari, rana katü, rainari kari, makuraje, ürele naujuai kaje. ala rijijien jainte ke tijisin kujuitein, ke tijitain jelai kujuiteinte makuraje aina ürüle teüre. Kuairi kuurera richa neinte nelata
kuaiiri kuürüjele
inuri|inüinüri|ürüle|rainari kari|makuraje
kaa richa te jaüre inü inüri kari, rana katü, rainari kari, makuraje, ürele naujuai kaje. ala rijijien jainte ke tijisin kujuitein, ke tijitain jelai kujuiteinte makuraje aina ürüle teüre. Kuairi kuurera richa neinte nelata.
makuraje kaje richa
iinuri|makuraje|rana katü
kaa richate makuraje aina rana katü kaje janujuine. inuri küani makuraje makuraje sitüüsiinte küani rana katü teein jaüre, rei rülünaanaja siria rautujein jiaürüane kuina
akaü richa
richa|iinuri
kaa richa te aasiürü kaje kureteein kujuiteküre enekürü. jachaanejein inuri jaainte ke kujuitein jaaüre, eta kaanijianain rülüüsiin, rülüürüa naja jelai siriin, lanaji, kafaji, jichujui,lanaajiujuai chaaen kaküri raru tukuani ke kuluteein
turaara
enüa inaa
kaa kanaani turaara te enüa inaa katue kari rijiinanai kujuitein jaüre, kujui tijiichai rautujuein rülürüa najaaneke
kanaani turaara nuura kaje
nuura|rana rüinaa kusiamai chaae iinuri
kaa richa te enüa inaa kaje nejesiane, nuura, rana rüinaa kusiamai. Karatua rei kujui
kanaani richa
richa|enüa inaa|enechu katü|iinuri
kanaani richa, arai laürii ke jasiiteite janujuine, enüa inaa, kanii katü, richa esie, naujui ke, risine ke kujuitenuinein
ujuaa inaa kuare
ujua iinaa|iinuri
ujua inaa kaje richa, richa esieke te kuratajajein jasisi, karati kujuiin
biri kuare
richa|enüa inaa|siinuneje|katü
kaa richa te karate rei kujui,enüa inaa katüari rijiinanai, richa esie, enechu katü, sinunujue naujuai ke jasisin
siinunujue kuare
siinunuje|iinuri|enüa iinaa|katü
risine kujuitenuinein richa, kuratajajein enüa inaa, lejiin kanii katü, nichatajajein sinunujue ke jasisiin, karati kujuiin.
siinunujue kaje kanaanai kuate
iinuri|siinunuje|iinuri
risine kujuitenuinein richa, kuratajajein enüa inaa, kanii katü, sinunujue ke jasisiin, karati kujuiin
siinunujue kaje kanaanai richa
iinuri|richa|katü|siinunuje|enüa iinaa
kaa richa te karate rei kujui,enüa inaa , richa esie, enechu katü, sinunujue naujuai ke jasisin
makuraje kuare
iinuri|makuraje|üküari isichue
kaa richa te karate, makuraje, ürüle, leejiin üküari isichue tijiichain. Inuri küani makuraje aina ürüle ke jasiiteinte kürüjüain jaüre.
makuraje kaje kanaani richa
iinuri|makuraje
kaa richate makuraje aina, enüa inaa jasiitein janujuine. inuri küani makuraje makuraje sitüüsiinte küani rana katü teein jaüre, rei rülünaanaja siria rautujein jiaürüane kuina.
enechu katü kuare
richa|enechu katü|iinuri
ka richa te karate rei kujui,enüa inaa katüari rijiinanai, richa esie, enechu katü, sinunujue naujuai ke jasisin. Risine kaje inuri jaainte küani kürüjüain ichaküre.
kanaani marari
kajiune kusisisji|rana katü|sichu
kaa kanaani marari te jaüre raana katü kaje, kajiune kusisiji jichuajiujuai ke aüateein. Rana katü jachüakuainte kajiune kusisiji ke teei tukukuin jerekürüne kaanejeein jaaüre.
kanaani marari sumaji
kajiune kusisisji|rana katü|sichu
kaa kanaani marari te jaüre raana katü kaje, kajiune kusisiji sumaji ke aüateein. Rana katü jachüakuainte kajiune kusisiji ke teei tukukuin jerekürüne kaanejeein jaaüre.
raana katü kuare
kajiune kusisisji|rana katü|sichu
kaa kanaani marari te jaüre araanla katü kaje, kajiuneke aüateein. Araanla katü jachüakuainte kajiune kusisiji ke teei tukukuin jerekürüne kaanejeein jaaüre.
aruba biji küleera kaje richa
aruba biji küleera iinaa|iinuri|enechu katü|richa
kaa richa te jasisi kataün üüjein richa esine lanaajiujuai, chaaen richa sumaajiujuai, enüa inaa chaae enechu katü ke jasiitein.
enüa inaa kuare
richa|enüa iinaa|katü|inuri
ka richa te karate rei kujui,enüa inaa katüari rijiinanai, richa esie, enechu katü ke jasisin. Risine kaje inuri jaainte küani kürüjüain ichaküre.
araanla katü ke jasiitenui richa
iinuri|richa|enüa iinaa|araanla katü
kanaani richa, arai laürii ke jasiiteite janujuine, enüa inaa, kanii katü, richa esie, naujui ke, risine ke kujuitenuinein.
aruba biji küleera kaje richa
iinuri|biri|richa
kaa richa te karate, risine ke kujuitenuinein, richa esine, aruba biji küleera ke reküteein janujuine. Risine kaje inuri jaainte küni kürüjüain jaaüre.
ubana katü kuare
iinuri|enüa iinaa üküe|richa
ujua inaa kaje richa, richa esieke te kuratajajein jasisi, karati kujuiin. Risine kaje inuri jaainte küani kürüjüain ichaküre.
enüa inaa kuare
ubana katü|richa|iinuri
kanaani richa, arai laürii ke jasiiteite janujuine, enüa inaa, kanii katü, richa esie, naujui ke, risine ke kujuitenuinein.
siinunujue ke jasisii richa
iinuri|richa|siinunuje|enüa iinaa üküe|katü
kaa richa te karate rei kujui,enüa inaa katüari rijiinanai, richa esie, enechu katü, nichatjai sinunujue tabaanai naujuai ke jasisin. Risine kaje inuri jaainte küani kürüjüain ichaküre
sichüra
risine
kaa sichüra te janujuine risine kaje karatiin kujuiteein, kurata kulujuein kuluteein lanaji, sumaji naujuai ke, rautuchu kürü neke te nelate.
sichüra tabai
risine
kaa sichüra tabai te janujuine risine kaje karatiin kujuiteein, kurata kulujuein kuluteein lanaji, sumaji naujuai ke, arajii rautuchu kürü neke te nelate. lanariite jaratuanae, jana sumariite jiunurajate.
risiine kusiiüra
risine
kaa siüra tabai te janujuine risine kaje karatiin kujuiteein, kurata kulujuein kuluteein lanaji, sumaji naujuai ke. lanariite jaratuanae, jana sumariite jiunurajate.
alasiine kusiiüra
alasine
kaa siüra te jiaraturaeri, jarautua rei küani, jaraatuanaa rei kulu jichujui, lanaji, sumaji naaujuai, rei kujuite jaraate sumajaain.
ichutari siüra
alasine
kaa siüra te jiaraturaeri, jarautua rei küani, jaraatuanaa rei kulu jichujui, lanaji, sumaji naaujuai, rei kujuite jaraate sumajaain.
risiine kaje ichutari siiüra
risiine
kaa siüra tabai te janujuine risine kaje jarauti küanekiin, nichata kulua lanaji, sumaji jichujui naujuai ke, rei kujuite jiarueke
kajiune bichu kusiiüra
kajiune bichu
kaa siüra te janujuine kajiune bichu kaje, ainchijia, jaraujiriti küanekiin arai laüriin kuluin beraürisiujuai, lanaji, lanaajiujuai, kafaajiujai naujuai ke, jana rei kujuite jiarueke kulutenuinein lanaji lanaajijuai, kafaji naujui ke.
kajiune bichu kusiiüra rijiaee kuluui
kajiune bichu
kaa siüra te janujuine kajiune bichu kaje, ainchijia, jiunueki küanekiin arai laüriin kuluin lanaji, kafaji, sumaajiujuai naujuia ke, jana rei kujuite karate kajiune bichu lanaji janujuinein.
alasine kusiüra sumaae kuluui
alasine
kaa siüra te jiunueke, sumaji, kafaekueriii, jichuajiajuai, naujuia ke kulutenuinein,rei kulu sumaji te jaraatuane jana rei kujuite jiarueke sumajaain.
kajiune bichu kusiiüra seuunjua
kajiune bichu
kaa siürate jiunuare, rijiaki nutaain, rijiaae kuluin, sumaji beraürisiujuai naujuai ke kulutenuinein, jana rei kujui te jaraate, sumaji, jichujui, beraürisiujuai naujuai ke kulutenuinein.
kajiune bichu kusiiüra seuunjua
Descripción por venir
beree aari kaje
aari
kaa bereete kanai ene kujuaaji nekuatijianaja neein jaüre aari kaje, kuütüriteen, bijiteein, tijiateein kacha kuüjünakaneein.
beree juueti
aari
kaa bereete kanai ene kujuaaji nekuatijianaja neein jaüre aari kaje, kuütüriteen, bijiteein, tijiateein kacha kuüjünakaneein feruekiin.
beree kicha
aari
kaa bereete kanai ene kujuaaji nekuatijianaja neein jaüre aari kaje, kuütüriteen, bijiteein, tijiateein kacha kuüjünakaneein.
beree ene
aari
kaa bereete kanai ene kujuaaji nekuatijianaja neein jaüre aari kaje, kuütüriteen, bijiteein, tijiateein kacha kuüjünakaneein, richa teein.
tuuntu
enüa jachünujui|iinuri|ubana kari (jakari)
kaa tuuntu te tujuijie rei küani, enüa jachüinte jeraneein jakari ke füin naüa ke enue balürakaain jeraneein inuri ke jiününüin janujuine, inuri ke te kujuitenuine. Aünu tuteürüane kutuuntu teürüa naja neeinte nelate.
kuaairi kuinaru
üüjiri itaru üjüi|aküsi|iinuri
kaa kuairi kuinaru te üüjiri jichujui itaru üjüi kaje jaaüre, aküsi kete nichatajaenanai teiin rei makui ichujuain eta kaje jurejureerinai tein ichujuaain ichaküre
janulari kuüjünaka enua kaje
aari
kaa janulari kuüjünaka te jaüre aari kaje, nuta , irichu, nasi, nujüae, katü naujuiüri jaainte jaaüre, kanaaniürü ksataürüa najane ke te jaaüre.
jichaa
karuia|mürane|aküsi
ka jichaa te jaaüre karuia kaje jachüin, küani jicharaain, nii baia jichü ke balülüin nii baia mürane ke kunaaküre, icha katü ke nasi teein, nujüaeke karatuchu kürü tinutaain.
farata, suririji
jiarana|karuia|mürane|kürabu
kaa suririji te jiarana ke nüjüate nuine, kürabu ajiaiin, teeü teein, karuia bajeei küani nichatajaain eta akatia teeinte ichuaküre chuae takaainte mürane ke rüjüaüre nabana ate fukuane jana rebaturaane kuataa.
